|
JINGHPAW WUNPAWNG AMYU SHA HPUNG ( K.N.O )
MALAYSIA – SINGAPORE
NDAU SHABRA LAIKA
1. N htoi 23.07.06 Malaysia hkying 12:00pm hta Jinghpaw Wunpawng Amyu Sha Hpung ( KNO ) Malaysia- Singapore hpe Malaysia Mungdan Kuala Lumpur, mare Kaba kaw awngdang ai hte hpaw shabawn da lu sai lam hpe ndau ai.
.
2. Ya aten hta Jinghpaw Wunpawng myusha rawt malan hpung (KIO) hte (SPDC) Myen hpyen ni a gap hkat jahkring let mung masa bawng ban jahkrup ai lam gaw, shaning 12 jan na mat wa sai. Raitim, tinang Jinghpaw Wunpawng Mungdan hte, Jinghpaw Wunpawng masha ni matu akyu rawng ai lam hta, akyu yawm hkrat sum ai lam hpe grau nna byin shangun nga ai ngu anthe (KNO ) Malaysia – Singapore kaw nna mu mada ai.
3. 1990 ning ra lata poi a mahtai hpe ( SPDC ) hku nna masat masa n galaw, n gawn n sawn galaw ya ai hte, maren dai ni ( SPDC ) galaw nga ai ( NC ) hte, pru wa na rai nga ai Gawda tara ( Constitution ) hpe mung tinang (KNO ) Malaysia – Singapore gaw , Jinghpaw Wunpawng Myusha yawng hte rau n hkap la ai hte maren, dai lam ni yawng hpe ning hkap ai.
4. Jet ai (Federal) Munghpawm Mungdan byin tai wa lu na matu ,1994 ning Mungkan Rap Daw ( UNO) a daw dan manit hte maren Brum masum bawng ban hpawng gaw mung masa hpe mung masa lai hte mahtai tam ai lam re ngu nna ( KNO ) Malaysia – Singapore kaw nna hkap la kam sham ai.
5. Dai ni mung dan kata Mung masa, Sut masa, Hpaji masa, Hkam ja lam the Shing gyim lai kyang lam yawng htenza nga ai gaw ( SPDC ) a majaw re. Dai majaw Gumshem hpyen asuya hpe npawt gawt shagrawt kau nna jet ai (Federal) Munghpawm byin tai wa lu na matu mung chying shawa hte Democracy rawt malang Wuhpung Wuhpawng ni yawng hte awm dawm padang dip lu ai shani du hkra ta gindun ninghkap gasat mat wa na lam hpe (KNO )Malaysia – Singapore kawn daini ndau shabra dat ai.
Jinghpaw Wunpawng Amyu Sha Hpung (KNO)
Malaysia & Singapore
23.07.06
|
