2.    Rawt malan hkrum lam mayak mahkak law la ai raitim, hpyen wa hpe  n ding yawm, amyu sha lawt lu lam hpe madung da let, tinang amyu sha mung masa ahkaw ahkang n lu ding sa lang nak lang shakut nga ai Wunpawng Mung Dan Shang lawt hpyen Dap ( KIA) hpe arawng la shakawn shagrau dat ga ai.

3.    Dai ni na nhtoi lamang hta rawt malan hkrunglam hta sai salat, asak law law wa arang bang da sai lam hpe  n mai malap ai zawn, lawt lu lam hkrun lam de du dep hkap shang lu na matu rawt malan ninggam shatsaw nna amyu sha yawng shang lawm ai Mung shawa rawt malan hkrum lam de lahkam htawt sit let grau grau arang bang shakut ra ai lam hpe mung shadum dat ga ai.

4.    Ndai labau shang ninghtoi hta dai ni tinang amyu sha ni a Karai jaw ai Sali wunli rai nga ai Mali N mai zup hpe jahten sharung, tinang amyu sha ni a htinghput hting ra ni hpe ma ja zin la nna, Mali hka makau Mare kahtawng kaji kaba hteng za, tinang amyu sha mun sen si htum wa mai ai ndai Mali Zup madim hpe Mung shawa ji n bang yawng lam amyu myu hku ja ja ninghkap ra ai lam alak mi ga saw lajin dat nngai.

5.    Karai jaw ai shadip shahpang lamu ga, htunghking ningli , a ga, makam masham, amyu ru sai  ni hpe makawp maga na gaw rawt malan u hpung u hpawng ni hta sha lit nga ai n rai, tinang amyu sha mung shawa yawng hta lit nga ai the maren, dai n ngut n hkre shi ai amyu hkye mung hkye masing rawt malan hkrun lam yi ngam magam hta n gun kahkying lata gin dung let hkum dek shagu shang lawm shang tsap sa wa ga ngu ga saw lajin dat ga ai.

6.    Teng mang ai rawt malan hkrunglam re ai majaw awng padang ninglaw lu na mung teng sha rai nga ai.

Jinghpaw Wunpawng Amyu Sha ni ------------ Lawt lu u ga.
Jinghpaw Wunpawng Amyu Sha ni ------------ Awngdang u ga.
Jinghpaw Wunpawng Amyu Sha ni ------------ Grin nga u ga.


Ginjaw Komiti
Jinghpaw Wunpawng Amyu Sha Kongsi
Jinghpaw Wunpawng Amyu Sha Hpung 

Matut mahkai
1.    Duwa Mahkaw Hkun Sa, Ninggawn Amu madu- (001 8126799639, 001 8128577865)
2.    Sadan Hkanhpa Tu, Ningtau Amu madu (0044 7950577051)