KNO NI ENC ZUPHPAWNG LUNG

Nhtoi 20-06-2006 kaw nna 23-06-2006 ya shani du hkra htai mungdan lamu ga jarit shara mi hta galaw ai, Ethnic Nationalities Council (ENC) a zai ninggawn (strategy) bawngban zuphpawng hta Jinghpaw Wunpawng mungdan a dat kasa lithkam Duwa Bawmwang La Raw (KNO ningbaw) hte kaga dat kasa malawm ni rai nga ai Lahtaw Linda, Z.Dila hte Bau Naw Ja ni shanglawm bawngban ai.

Ndai lang na ENC zai ninggawn bawng ban hpawng hta Ethnic ni a shawng lam magam bungli masan sa galaw lu na lamang ni hta, SPDC hpe zai ladat nnan hte ninghkap sa mat wa na lam hpe bawngban jahkrup la lu ai.

ENC hpe mungdan kata hte shing gan kaw nga ai, Myen mung, mungchying sha ni yawng gaw, lani hte lani madi shadaw hkap la wa nga sai. Dai hte maren, maigan mungdan (International) ni kaw nna mung, ENC hpe aja awa garum madi shadaw wa nga sai. ENC gaw, Myen mung hpe jet ai Federal (Munghpawm mungdan) byin wa lu na matu woi awn sa wa ai Uhpung kaba rai nga ai.