KACHIN NATIONAL ORGANIZATION (KNO), UNITED KACHINLAND ARMY (UKA) GAW DAPHPAWM (MILITARY ALLIANCE) HTA SHANGLAWM AI LAM

Nhtoi 24 June 2006 ya shani, Karen rawt malan hpung (KNU/KNLP), Karenni rawt malan hpung (KNPP), Arekan rawt malan hpung (ALP), Hkang rawt malan hpung (CNF), Mon rawt malan hpung (MNSP), Sam rawt malan hpung (RCSS) hte Kachin National Organization (KNO)/United Kachinland Army (UKA), hpyen masa myit hkrum hpung ni gaw, Thai mungdan lamu ga jarit shara mi hta bawng ban zuphpawng galaw ai. Ndai zuphpawng hta KNO/UKA kaw na Ningbaw kaba Duwa Bawmwang La Raw, Z. Di La hte Bau Naw Ja ni sa du shang lawm bawngban lawm ai.

Ndai zuphpawng hta madung hku nna myit hkrum la lu ai lamang ni gaw,

We will continue to wage war against Military Dictatorship as our only common enemy.
1.Anhte gaw Myen hpyen hpe amyusha ni yawng a hpyen madung hku nna matut gasat sa wa na.

We will share our military knowledge among us by joint training.
2.Anhte gaw hpyen hpaji machye machyang lam hpe shada jawm wunkat jaw/la, hapji jaw hkat ai lam ni galaw sa wa na.

We will exchange information.
3.Anhte shada shiga shalai hkat ai lam ni galaw sa wa na.

We will reciprocate help and support.
4.Anhte shada chyena hkat ai hte garum shingtau, madi shadaw hkat na.

We will carry on our task until we regain our national hereditary right.
5.Anhte gaw amyusha ni yawng lu ra ai hkringhtawng ahkaw ahkang bai madu la lu ai aten du hkra ra nga ai magam ni hpe matut galaw sa wa na, ngu ai myithkrum lam ni rai nga ai. Ndai myit hkrum da ai lamang ni hte maren, shatup hkan sa nna awng padang ninglaw lu hkra galaw sa wa na rai nga ai.

Ya na zawn hpyen masa myit hkrum hpung, Uhpung shada da lata gindun wa lu ai lam gaw, Amyu Bawsang yawng a myit rawt n gun kaba rai nga ai.