Ninghtoi: 2006 ning June 18 ya, (Laban)
Aten: 9:00 a.m. to 12:00 a.m.
Shara: Japan mung dan Tokyo mare, Takadanobaba
1.Zuphpawng Hpaawn: Maran Zau Htoi (A mu madu)
Daw I
a.Hpawng hpaw akyu hpyi na. Amu Madu
b.Zuphpawng hpaawn kaw nna zuphpawng lamang hpe hti na.
c.Ningbaw wa kaw nna num htet ga shaga na.
d.N nga mat sai Ningbaw kabam Share Mu Nu Du Daju Jum lamung Tu Jaia labau hpe hti na. Slg. Hpa Kum Htoi
2. KNO Ginjaw a yawn hkyen lahpu laika hpe hti na.
Shd.Bawm Luk
3. KNO-JAPAN a yawn hkyen lahpu laika hpe hti na. Sumlut Pri Htang
4. CNC hte kaga AUN uhpung kata na uhpung ni a,yawn hkyen lahpu laika ni hpe hti na.
5. Myit n gun awai shalan shabran a kyu hpyi na. Hpt: Dashi Hka Li
Daw II
I.Magup Sumhpu bawng ban sa wa na. Amu Madu
II.Mung masa lam bawng ban na.
III.Hpawng hpum dim akyu hpyi na.
India Mungdan Kaw Jung Da Ai KNO Hpung Kawn Ningbaw Kaba Lamung Tu Jai Aq Matu Myit Dum Kyu Hpyi Ya
June 18,2006-India mungdan kaw jung da ai KNO Jinghpaw Wunpawng Amyu sha hpung kawn woi awn let, Delhi kaw nga ai Jinghpaw Wunpawng myusha nkau mi shang lawm nna, June18ya, 2006 laban shani shana maga India Mungdan aten 4:30 pm kawn 5:30 pm du hkra BCRC gawknu hta ningbaw kaba Lamung Tu Jai aq matu myit dum kyu hpyi ya ai lam hpe lagaw mat wa sai.
Dai Hpawng hta India mungdan du Myen mungdan mungmasa uhpung uhpawng shagu na ningbaw ningla ni sa du shang lawm let nnga mat sai ningbaw kaba hpe shagrau sha-a ai hte anhte myu wunpawng sha ni ningbaw kaba aq kasi la let ngam tawn da ai magam bungli ni hpe matut nna, taq gindun let shakut shaja sa wa ra ai lam hpe n gun jaw ga shaga lai mat wa sai.
Matut nna, U Ting Hpre ( Yahkaing mungmasa hpung ) kaw na salang wa tsun lai mat wa ai mungga hta, “ Hpa majaw rawt malan ra ai ngu ai the hpa majaw mungmasa galaw ra ai ngu lam” lahkawng hpe tsun mat wa ai re, awm dawm ahkaw ahkang hpe ra sharawng ai majaw rawt malan ra ai re,bai nna, tara rap ra ai lam nnga ai majaw rawt malan ra ai re nga nna, tsun lai mat wa sai.
Shi hku na matut tsun mat wa ai hta, dai ni na anhte aq kam maka gaw ram ma ni grai n gun dat ra sai Myen mungdan hta nga ai amyusha yawng shang lawm shakut ra sai lam hte pan dung du hkra shakut shaja sa wa ra sai lam hpe tsun shaga lai mat wa sai.
Bai nna, Dr. Zaw Win Aung tsun lai mat wa ai mungga hta gaw KIO / KIA aq gaw da ai constitution uphkang hkrang masa gaw manu mana hkrang sa ai myu wunpawng sha ni hpe kaja wa mai kaja ai lam hta woi wa mai ai lam re ai hte KIO gaw wunpawng sha ni aq matu wan shanan kaba nhtoi lam re nga nga nna,shi hku na manga ning daram hkaja sawk sagawn mat wa ai mahkrum madup ni hpe mungga shaga la mat wa sai.
Bai ( CNF ) Chin National Front kaw na Dr. Shwe Hka tsun lai mat wa ai mungga hta gaw, KIO/ KIA gaw CNF aq chyeju ndang htang lu ai CNF hpe grai pawn ba lai wa ai chyeju madu ni re nga na mungga shaga la lai mat sai.Shi hpang jahtum shaga ai ga hta, Ndai zawn ningbaw kaba Tu Jai nnga mat wa ai lam gaw Jinghpaw wunpawng sha ni sha n ga kaga Myen mungdan kata na amyusha yawng aq matu manu mana yawn hpa re nga nna, tsun mat wa sai.
Kachin DVB News
